الثلاثاء، 20 يونيو 2017

محتاج تبيع بيتك ؟
 مضطر تبيع بيتك ؟ وكمان تكسب فيه للحد اللي يخليك راضي ؟ خايف حد ينصب عليك ؟
 مهم جدا تعرف بعض الأخطاء اللي بعض الناس بتقع فيها علشان تمر بعملية بيع مريحة ومرضية .
 • أولا.. لازم تكون واقعي في تحديد السعر وإلا هتتأخر كتير في البيع، وتستفسر عن أسعار البيوت حواليك أسعارها أو أسعار المتر فيها وصل لكام علشان متبالغش في سعر أعلى ولا تبخس بيتك بسعر أقل .
• ثانيا .. لما تعرض البيت للبيع ضيف لثمنه اللي اشتريته بيه سعر  التصليحات وكل الأعمال اللي قمت بيها وصرفت عليها وضع في أعتبارك انه مش ضروري البيت سعره يزيد جايز جدا يقل .
 • ثالثا .. متحاولش تبيع بيتك بنفسك إلا إذا كنت على دراية بالسعر المناسب ولكن من الأفضل أن تستعين بسمسار أو شركة متخصصة في العقارات وطبيعي هايكون لهم عمولة مش قليلة لكنها هاتريحك من المجهود الكبير اللي ممكن انت تعانيه وهايوصلوا عقارك لأعلى سعر ممكن .
 • رابعا .. لازم تصلح أي تلفيات في بيتك قبل عرضه للبيع ودا بيزود ثمنه وبيزيد فرص الأقبال عليه .
 • خامسا .. متتوقعش أنك لما تعمل ديكورات مفرقعة وألوان غريبة دا كدا هايجذب المشتري ! مش ممكن طبعا لأن الأذواق بتختلف وما يعجبك مش بالضرورة يعجب غيرك .
 • سادسا .. ودي أهم نقطة في الموضوع متستقبلش مشتريين وبيتك غير مرتب لازم تنضف البيت من جوا والغرف تكون مترتبة والمطبخ نضيف ومفيهوش قاذورات والحمام لازم يبقى نضيف لأن الأنطباعات الأولى تدوم .
 • سابعا .. صور بيتك بطريقة صحيحة تظهر فيها جمال كل ركن في البيت وحاول تلتقط الصور في النهار هايكون أفضل وأوضح .
لو حاولت تتفادى الأخطاء دي وقتها نقدر نقول تهانينا لبيع مربح .
www.el3bor.com


ليست هناك تعليقات:

إرسال تعليق